حلت الفنانة انتصار ضيفه عبر مداخله هاتفيه ببرنامج تفاعلكم" الذي يعرض عبر شاشة العربية، وتقدمه الإعلامية سارة الدندراوي و كشفت حقيقة الخلاف بينها و بين الفنانة شيماء سيف.

قالت انتصار:" أنا فوجئت بشيماء سيف في البرنامج وهي بتتكلم، وعملت شغب في كذا برنامج، وماكونتش قابلتها خالص في أي حتة، ولو كنت قابلتها كنت هسلم عليها عادي، لإن أنا ماكنتش اعرف اسبابها، وهي ليه بتقول كدة والمشكلة ليه كبرت معها رغم إن أنا مكنتش شايفة مشكلة أصلا، والموضوع كان سوء تفاهم عبيط أوي".

استكملت انتصار حديثها:" لما شوفتها سلمت عليها وكنت متسامحة جدا، ومدتش فرصة للموضوع يكبر اكتر من كدة، وإن كانت هي عملت كدة قبل كدة فأنا مسمحاها وهعتبرها قلة خبرة إنها تطلع تقول في البرامج أو تسمح للمذيعين إنهم يوقعوها في الكلام في زميلتها، لأن ما يحدث في الكواليس يبقى في الكواليس، ومافيش شغل مافيهوش مشاكل، الإخوات مع بعض بيتخانقوا، وطبيعي ناس في الشغل مايعرفوش بعض مش هيبقوا ملايكة، هتحصل مشاكل بسيطة، فمانطلعش في البرامج نقولها ولا في السوشيال ميديا أومال هتكوني محترفة إزاي، أنا قولت أنا الأكبر سنا والأكبر عقلا، وبردو كان بالاتفاق مع المخرج محمد سامي، هو قال لي "هتعملي ايه؟"، قولت له "طبعا مش هعمل حاجة".

يذكر أن الخلاف بين انتصار وشيماء سيف تعود لوقت تقديمهم لبرنامج "نفسنة" مع هيدي كرم، وكشفت شيماء سيف أنها تعرضت لـ"مؤامرة" ضدها من الطرفين للإطاحة بها.

مسلسل «إش إش» بطولة مي عمر، ماجد المصري، هالة صدقي، إدوارد، إنتصار، دينا، طارق النهري، شيماء سيف، محمد الشرنوبي، علاء مرسي، عصام السقا وإيهاب فهمي، من تأليف وإخراج محمد سامي.