خرج السيناريست عمرو محمود ياسين عن صمته ليدافع بقوة عن الفنانة ياسمين عبد العزيز عقب انتشار أخبار اعتذار المطرب رامي صبري عن غناء تتر مسلسل "وننسى اللي كان"، وما تبعه من اتهامات طالت الفنانة ياسمين عبد العزيز.

نشر عمرو محمود ياسين منشورا مطولا قائلاً فيه:" حقيقي أنا مش مصدق اللي بيحصل مع الفنانة ياسمين عبد العزيز، لو تتر اتغير من حاجة لحاجة يبقى ياسمين، لو ممثل أو ممثلة قال جملة معينة يبقى ياسمين، لو حد لابس لبس معين يبقى ياسمين، لو شخصية متسمية اسم معين يبقى ياسمين، وأقسم بالله إن ده غير حقيقي؛ لأن المسلسل له مؤلف ومخرج ومنتج وستايلست وأقسام تخصصية".

استكمل عمرو حديثه:" إحنا مش هواة، إحنا بنشتغل، وكل واحد فينا بيحترم دور الآخر، وكل واحد مسؤول عن اختصاصه ودوره في العمل. أكيد بنتشاور وبنفكر مع بعض علشان نوصل لأفضل قرارات في مصلحة المشروع، بس الموضوع كله تصفية حسابات للأسف الشديد".

تطرق عمرو في حديثه عن الضغوط التي تتعرض لها ياسمين عبد العزيز قائلًا:"هي بقت مش عارفة تعمل إيه، لما تطلع ترد الناس تقول لها بتردي ليه، ولما تسكت الناس بتصدق الاتهامات، حقيقي أنا بشفق عليها، لكن اللي بيخليني أهدى إن ياسمين قوية جدًا جدًا، وبتقابل ده كله بسخرية وضحك، وبترد تقولي أنا مش شايفاهم، بس أنا متعود أواجه، والناس اللي بتتابعني عارفين عني ده".

استرسل عمرو قائلاً:" لازم الجمهور يعرف الحقائق، لأن أنا بعتبر الهجوم على ياسمين هو جزء من الهجوم على مشروعي، اللي كلنا بنبذل فيه مجهود كبير جدًا".

أنهى عمرو حديثه قائلا:" ربنا يصلح حال الجميع، وخالص التقدير والاحترام للجميع".

جاء ذلك على إعلانه عدم غنائه أغنية تتر مسلسلها الجديد المقرر عرضة في هذا السباق الرمضاني "وننسي اللي كان " 

وأعلن الفنان رامي صبري، اعتذاره عن تتر مسلسل “وننسى اللي كان” بطولة الفنانة ياسمين عبد العزيز، والفنان كريم فهمي، والمقرر عرضه في دراما شهر رمضان.

وكتب رامي صبري عبر ستوري حسابه على انستجرام: “تم إلغاء تتر مسلسل وننسى اللي كان”.

مسلسل "وننسى اللي كان" من تأليف عمرو محمود ياسين وإخراج محمد حمدي الخبيري، ويشارك في بطولته إلى جانب ياسمين عبد العزيز وكريم فهمي كل من إنجي كيوان، خالد سرحان، ومنة فضالي، ومحمد لطفي، لينا صوفيا، ومن المقرر عرض المسلسل ضمن السباق الرمضاني (2026) على قنوات إم بي سي، ومنصة "شاهد".